لازم تكون قدّ التحدي… مش علشان تثبت للناس إنك ناجح، لكن علشان تثبت لنفسك إنك قادر تكمل مهما كانت الظروف.
فيه لحظات في حياتنا بتختبر قوتنا الحقيقية، مش لما نكون محاطين باللي بنحبهم، لكن لما نضطر نكمل الطريق من غير وجودهم بالشكل اللي كنا بنتمناه.
لازم تنجح، ولازم تحقق أهدافك، ولازم تكون الشخص اللي أنت نفسك فخور بيه، مش علشان حد يشوفك أو يندم على غيابك، لكن لأن مستقبلك يستحق منك إنك تحارب عشانه.
قيمتك مش في وجود شخص في حياتك، ولا غياب شخص تاني، قيمتك في ذاتك، وفي قدرتك على النهوض، وفي إصرارك إنك ما تخسرش نفسك مهما خسرت من حولك.
خليك سند لنفسك، وافتكر إن القوة مش إنك ما تتوجعش، لكن إنك تعرف تتعامل مع وجعك من غير ما تسمح له يوقف حياتك.
مش كل شخص بنحبه لازم يفضل معانا، ومش كل طريق بنتمناه بيكون مكتوب لينا نكمله، لكن ده مش معناه إن المشاعر كانت كاذبة، ولا إن الحياة لازم تقف عند لحظة فراق.
أنا قادر أكمل، وقادر أنجح، وقادر أكون سند لنفسي ولغيري، من غير ما أنكر مشاعري، ومن غير ما أفرض وجودي على حد.
خليك وفيّ لمشاعرك، لكن أوفى لكرامتك، واحترم اختيارات الآخرين، ولا تتخلَّ عن أحلامك.
وفي النهاية، أجمل انتصار مش إن الكل يشوفك ناجح، ولا إن حد يندم على غيابك، لكن إنك توصل لمرحلة من السلام النفسي تخليك راضي عن نفسك، مهما كانت اختيارات الآخرين.
كن قويًا بما يكفي لتكمل، وناضجًا بما يكفي لتحترم الرحيل، وواعيًا بما يكفي لتعرف أن قيمتك لا يحددها أحد.
الدكتور كيرلس ثابت سعد
استشاري صحه نفسيه وارشاد اسري وتربوي
وسفير الصحه النفسيه
Leave a Reply